MULI PONG HUMIHINGI NG PANGUNAWA ANG PAMUNUAN NG DOTC-MRT3 SA MGA MASUGID NAMING PASAHERO SA LUBHANG MASIKIP NA TREN DULOT NG PATULOY NA PAGDAMI NG SUMASAKAY DITO.
ANG PAMUNUAN AY PINABABATID SA PUBLIKO ANG MGA SUMUSUNOD NA PAGBABAGO PARA SA MAGAANG PAGSAKAY SA MRT3:
1. ANG UNA SA TATLONG BAGON NG TREN AY NAKALAAN SA MGA NAKAKATANDANG PASAHERO, PASAHERONG MAY KASAMANG BATA; SA MGA BABAE AT MGA MAY KAPANSANAN.
ITO PO AY IPINATUPAD SA MRT3 MAHIGIT ISANG TAON NA ANG NAKALILIPAS. SA PAMAMAGITAN NG PARAANG ITO, ANG MGA TAONG MAY HIGIT NA PANGANGAILANGAN AY NABIBIGYAN NG KAUKULANG PANSIN.
ANG PARAANG ITO AY AMIN NANG NAILATHALA SA MGA DIYARYO AT MAY MGA KAUKULANG PAUNAWA DIN SA MGA ESTASYON NG MRT3.
2. ANG INYONG LINGKOD AY REGULAR NA NAG OOBSERBA NG AMING OPERASYON SA MGA ESTASYON AT SA KAHABAAN NG EDSA. ITO ANG AMING BASEHAN SA PAGPAPATUPAD NG MGA PAGBABAGO AT KAAYUSAN.
KUNG INYONG MAMARAPATIN AMIN PONG PINABABATID ANG PANIBAGONG PAGAAYOS NG MGA PASAHERO SA ESTASYON NG TAFT AVE. SA AMIN PONG PINAKABAGONG “SURVEY” ANG NABATID NA KAAYUSAN AY SINASANGAYUNAN NG MGA 90% NANG PASAHERO. MAY MGA SUSUNOD NA KAUKULANG PAGBABAGO SA LAHAT NG ESTASYON. AMIN PONG PINARARATING SA PUBLIKO NA ANG SUSUNOD NA PROYEKTONG AMING GAGAWIN AY SA NORTH AVE. STATION.
3. ANG INYONG LINGKOD AY NANINIWALA SA PAGSAAYOS HINDI LAMANG NG OPERASYON NG MRT3, HIGIT NA KAILANGANG PANGALAGAAN ANG “BUDGET” NA INILAAN SA MRT3. ANG “BUDGET” NA NAKALAAN SA SEGURIDAD NG MRT3, BAGAMAT HINDI SAPAT, AY DAPAT SIGURADUHIN, NA ITO AY GINAGASTOS SA TAMANG PANGANGAILANGAN AT PAMARAAN. KUNG KAYA, LINGID SA KAALAMAN AT NABANGGIT NA ISANG KOMENTARISTA SA RADYO, ANG PAGKONTRATA NG MGA “ SECURITY GUARDS” AY DAPAT NAAYON SA PANGANGAILANGAN AT HINDI NARARAPAT NA DAGDAGAN NG WALANG PAKUNDANGAN.
SA PAGTAAS NG PAMASAHE SA MGA PAMPUBLIKONG SASAKYAN, ANG INYONG MRT AY MAY KARAGDAGANG MAHIGIT KUMULANG NA 80,000 PASAHERO SA BAWAT ARAW. SA AMING MASUSING PAG AARAL ANG ATIN PONG MRT3 AY NAKADESENYO SA 350,000 PASAHERO SA BAWAT ARAW. SA KASULUKUYAN ANG MRT3 PO AY NAGSASAKAY NG HUMIGIT KUMULANG 477,000 PASAHERO SA BAWAT ARAW. SA KADAHILANANG ITO ANG ATIN PONG MGA TREN AY PUNO NG PASAHERO AT ANG PILA SA PAGBILI NG TICKET AY LALONG HUMAHABA. ITO PO AY HINDI SA KADAHILANANG ANG PAMUNUAN AY NAGPAPABAYA, BAGAMAT ITO AY SA KADAHILANANG MARAMI ANG PATULOY NA TUMATANGKILIK SA MRT3.
HINIHINGI NG PAUMANHIN NG INYONG LINGKOD AT ANG PAMUNUAN NG MRT3 SA LUMULUBHANG PAGSIKIP NANG MGA TREN AT ESTASYON. KAMI PO AY NANINIWALA NA SA PAMAMAGITAN NG MAS PINALAWAK NA KOOPERASYON AT PAGMAMALASAKIT SA ATING KAPWA TAO, ANG SERBISYO NG MRT3 AY PATULOY NA MAISAAYOS.
HUMIHINGI KAMI NG PANGUNAWA SA MGA PASAHERO AT SA MGA TAONG MAY MALASAKIT SA KAPAKANAN NG KAPWA PILIPINO NA TULUNGAN KAMI PARA SA LALONG IKAGAGANDA NG OPERASYON NG MRT3.
PARA KAY GINOONG NEIL OCAMPO, ANG AKING TANGGAPAN AY BUKAS SA LAHAT NG INYONG SUHESTYON. IKAW AT ANG PAMUNUAN NG MRT3 AY IISA ANG ALITUNTUNIN, NA PAGSILBIHAN ANG ATING KAPWA PILIPINO. HUMIHILING KAMI NANG ISANG BALANSENG PAGPAPAHAYAG, NG ISANG KOMENTARYONG MAY BASEHAN AT MALINIS ANG INTENSYON. NAKAHANDA ANG PAMUNUAN NG MRT3 NA MAKIPAGPULONG KAY GINOONG OCAMPO SA KANYANG PROGRAMA SA RADYO AT NANG SA PARAANG ITO ANG KATOTOHANAN AY MAIPABABATID SA ATING KAPWA PILIPINO. HINIHILING DIN PO SA ESTASYONG DZMM NA BIGYAN NG PAGKAKATAON ANG PAMUNUAN NG MRT3 SA KANILANG MGA PROGRAMANG PANGRADYO PARA IPAHATID SA INYONG TAGAPAKINIG ANG KATOTOHANAN.
MARAMING SALAMAT PO.
ANG INYONG LINGKOD,
ASEC. ROBERTO T. LASTIMOSO
GENERAL MANAGER
DOTC-MRT3